【壹週刊】林德信早排去參加浙江衛視真人騷節目《我不是明星》，有老豆林子祥撐埸外，仲有葉蒨文、趙雅芝都特別到場支持佢。對於自己參加《我不是明星》，林德信覺得好有得著。
林德信話：「其實唔容易，對我嚟講都係一個好大嘅挑戰，因為首先要講國語，第一次喺內地做嘢，同埋佢拍嘅節目都攰，都耐，佢每次拍一集都要拍成日，八點鐘拍到夜晚十點，所以都有啲難度。但係學咗好多嘢，我覺得係內地做嘢，你會學到好多嘢。」
不過最令佢意外係，《我不是明星》播出後，喺上海街頭就已經有人認得佢，仲幫佢打氣添！林德信話：「我記得我拍咗第三集，有一日我同媽咪去上海行街，咁樣行吓街，上海啲人已經喺度講，好快。拍咗三集，證明佢哋好鍾意睇電視，有睇，同埋佢哋俾好多鼓勵我。我睇咗你個我不是明星，加油呀！我覺得幾好。」
iPhone版下載：
http://goo.gl/1SDaWF
Android版下載：
http://goo.gl/xfQS8D