前港台DJ、最近為D100電台主持《黃金的旋律》的伍家廉，昨為「8.17和平普選日嘉年華大遊行」擔任司儀，D100創辦人鄭經翰在fb發聲明，指曾向伍發最後通牒，勸退出任不公義遊行的司儀，惟伍堅持擔任，D100決定終止雙方合作關係。
「自己對政治好冷感」
伍家廉昨接受電話訪問說：「我覺得冇乜特別，我只係客席主持，大家合作只係口頭協議冇合約，我明白佢哋立場，同我參與活動立場唔一樣。」伍坦言沒感到不公平，亦不會追討賠償：「每人睇法、取向、意見都唔同，之前佢哋（D100）有同我傾過，但我應承咗人守約好重要，自己冇睇得咁嚴重，可能我蠢，冇注意有咁大反響，自己對政治好冷感，唔係非黑則白，自己幾中立。」
何鴻燊四房長女何超盈、林建岳細女林心兒等都出席遊行，何超盈之後在電話說：「自己支持反佔中，支持和平普選，作為年輕人要行出嚟出一分力，要敢言表達自己意見，父母都支持我行出嚟，自己係普通市民冇政治立場，覺得佔中行為對香港唔好，自己爭取一人一票選特首。」
杜汶澤昨在fb暗諷：「鳩烏呀！我要鳩烏呀！」何韻詩亦留言：「祝大家平安大吉，身體健康地垢烏（購物）。」填詞人梁柏堅在微博抵死寫道：「維園嘅朋友，導演一日未cut，都要繼續，唔係冇飯盒㗎。」藝人黃秋生在fb似有所指，留言稱拍攝古裝劇時，講述農民參與戰士都只為飽餐，「真係好多人冇飯食，好慘！參加有飯食」。