【再下一城】
新科「香港金茶王」周漢文再下一城，昨憑着35年沖奶茶的經驗及主場優勢，擊敗六名世界級高手，榮膺「國際金茶王」。周師傅較前日表現淡定，他坦言自己是沖茶年資最長的參賽者，贏在經驗。
周師傅的太太昨更到場打氣，丈夫奪得雙料冠軍一刻，她忍不住喜極而泣。周太透露，二人當年在茶餐廳相識，譜出一段奶茶情緣。
雙料「金茶王」周漢文今日轉戰「金鴛鴦大賽」，昨他參加國際金茶王大賽，與來自六個國家及地區的奶茶師傅爭冠軍。他奪冠後坦言贏在經驗，「初初唔知乜人參加，都有啲壓力同緊張，始終代表香港比賽，輸咗好丟香港人架，但出場後知道其他人沖茶年資唔夠我耐，就好放心，始終沖奶茶要講經驗」。
茶餐廳譜奶茶情緣
周奪冠一刻，在台下的周太忍不住喜極而泣，她說足證丈夫多年來苦練的沖茶技巧無白費，又憶述年輕時在茶餐廳與周師傅相遇，「嗰時成日去佢做嗰間茶餐廳食嘢，成日都見到佢，之前我怕肥唔飲奶茶，之後就成日想飲」。
丈夫是金茶王不代表日日飲到又滑又香的奶茶，周太笑言：「我喺屋企叫佢沖畀我都唔肯，只係肯教我沖，佢話日日返工都要沖，返屋企唔會沖。」