曾任電台DJ的洪朝豐，10多年前患上抑鬱狂躁症，和已故寶詠琴一段戀情令他陷入「豐狂歲月」，病情幾度復發，現實將他由當紅DJ變成出入精神病院的病人，人生起跌猶如過山車。洪朝豐現時心情平復，裏裏外外過着反璞歸真生活，不時修道打坐，宣揚正面訊息。
遭逢巨變後的洪朝豐經過長時間抗病，其間學懂面對、接受、共存。對於羅賓威廉斯疑抑鬱症輕生，洪朝豐昨日以過來人身份分享經歷。他憶述病發時的痛苦，曾有輕生念頭，洪朝豐說：「完全唔想見外面世界，覺得個人冇價值，有諗不如死，但最終冇，因為媽媽係我最大動力，我仍要照顧媽咪。雖然媽咪兩年前走咗，但就算日後我病發，我都唔會諗死。」洪朝豐認為從事創作工作因要力求突破，患病率高危，更要正視。
「一定要傾訴」
洪朝豐樂觀接受一世服藥治病，過往克服患病難關，家人和朋友站在最重要位置，他說：「身邊人最好靜靜陪在側，唔需要作出判斷或評價，需要時聽對方傾訴或者喊。最重要唔好覺得食藥我就係精神病人，被標籤，自己當時曾經私自停藥，就係唔想被標籤，其實唔食就會係精神病人。」洪朝豐勸勉都巿人有鬱結時要傾訴，他說：「一定要講，唔好屈住喺心，唔好以為唔講係強者，呢樣係唔敢面對自己，不懦弱先係勇敢，同時唔好抗拒醫生要食藥。」洪朝豐以縱橫30年DJ生涯送上一句「天無絕人之路」給大家，呼籲人要放鬆面對一切。
今時今日洪朝豐可以輕鬆自在悠然自得，因為他年半前參加中道靜修，走訪不同地方學習打坐及禪修，間中出家修道，洗滌心靈平衡情緒，有效減壓之餘令他重拾自我，十分投入寧靜世界，對娛樂圈已不再留戀。他近日更成為打坐老師，在尖沙嘴開班，幫助緊張生活的人舒緩情緒，10月尾會再度出家4個月，還建議有情緒病的人可以跟他打坐。曾經意氣風發，現在一切歸零，洪朝豐說：「簡單已經滿足，less is more，經濟方面我積蓄能維持一段時間就唔會理太多，現時我最鍾意唱歌同打坐，有開班教聲樂同唱歌。」
撰文：卓寶花