由藝人余文樂領軍嘅橫洲工業，噚晚喺灣仔修頓室內場上演嘅「水動樂跨世代籃球邀請賽」，面對由香振強、劉子健等甲一兵帶領嘅跨世代球星隊。「粉絲」眾多嘅橫洲可能嫌陣中球星唔夠，竟然搵嚟易建聯（圖）助陣，呢位去季效力廣東嘅CBA最有價值球員仲絕無欺場勁爆Dunk！
噚晚場波逼爆修頓，橫洲工業除咗有余文樂，仲有周健宏同黃鎮煒等甲一球星坐鎮，星味十足，連電影《激戰》嘅型男彭于晏都係座上客。更令球迷意外嘅係，橫洲噚晚仲搵嚟效力過NBA公鹿、網隊同巫師嘅國籃中鋒易建聯助拳，令全場1,900名球迷high爆！
雖然阿聯因傷退出中歐錦標賽，並講明唔會隨衞冕嘅國籃征戰仁川亞運，但佢早前練習試過入樽鋤爆個籃板，落到球場亦絕冇hea打，同效力乙組東方嘅前D-League球員Bryant Austin輪流入樽，球迷梗係收貨。講番場比賽，橫洲喺阿聯攻入全場最高33分下，以101:87反勝對手。
識睇，一定係睇足英台【英波Live】：
http://soccer.appledaily.com
http://bit.ly/engballlive