本欄信數據，但會攻破「假數據」，信球員場上表現，更信領隊功力。英超頭炮，要破數據，選熱刺讓半/一上盤，作客攻陷「槌仔幫」韋斯咸，報上季對戰3全敗之辱。
英超水頭太充足，人事變動多，成數據派最大敵人，沒有幾位像阿仙奴雲格，今季帶領隊球隊進入第19個球季；所以兵工廠近季數據特別穩，突破向上或向下的機會較微。像莫耶斯上季本領曼聯進入新時代，結果紅魔全季聯賽錄12敗，破盡不少封塵劣績。阿仙奴鄰會熱刺季季有野心，卻惡不出樣；上季留不住巨星級的加里夫巴利，套現10億港元，可惜換入的7、8位國腳卻未能起即時作用，今季又換領隊，由前修咸頓主帥普捷天奴接任。
爭表現博新帥歡心
筆者堅信球員只是棋子，任你擁皇家馬德里或巴塞隆拿的宇宙級陣容，領隊窩囊一樣無用。普捷天奴從修咸頓載譽過檔熱刺，前朝波亞斯留下值逾10億的前新兵；尤其被譽為加里夫巴利代替品、值3,000萬鎊的拉美拿，與新帥同來自阿根廷，同聲同氣，經整季適應，要證明絕非水貨。
樂觀看，普捷天奴有望行運醫生醫病尾，當然，要熱刺在今季取得英超成立第24季以來，第3次躋身前4，難度頗高；但本欄重點提供每周心水，熱刺季前熱身賽4勝1和未敗，今場正選陣容，暫肯定只有左閘賓戴維斯為新兵，其餘人腳多夾熟，戰將又要爭表現取悅新波士，世盃後遺症影響也輕微，季初這類球隊最值留意。
上季首天，本欄重心選韋斯咸贏卡迪夫城，結果勝2:0命中。不過槌仔幫今季人腳變動不少，最慘安祖卡路爾又要唞到年尾，最有期待的厄瓜多爾國腳恩拿華倫西亞未fit；球隊今夏熱身賽戰績頗劣，直至上仗才贏森多利亞開齋。若然莊家信上季對賽3次，韋斯咸全贏數據，斷不會開出今場熱刺讓半/一超高水盤口；以質、態論波，今戰可直取1.8倍客W。
維拉中堅有隱憂
再串史篤城主場贏阿士東維拉。史軍踢簡單足球，主場硬淨，上季在地頭成績排第6，領隊曉士今季邀得保贊及馬美迪奧夫加盟，鋒力徒增；對手維拉兩主力前鋒仍養傷，後防大將華亞爾有離心，最得人驚是，簽入甩漏甚多、今夏世盃再出洋相的中堅辛德路斯，見後者正選，「篤」定贏波。
文：波神
神級攻略 智破足彩
識睇，一定係睇足英台【英波Live】：
http://soccer.appledaily.com
http://bit.ly/engballlive