【縱容違規】
「啲學生日日嚟，一日買幾轉，你估我哋真係認唔到咩？」又一城蘋果店有職員透露，近日不少同事都發現，有學生利用優惠多次買機圖利，不過，他表示現時職員若有懷疑，需要自行在電腦系統查核學生有否重買，可是因為工作繁忙，加上翻查工序繁複，職員暫時只憑眼力和記憶力把關，他強調若職員認出有學生重買，一定會拒絕售賣。
該職員解釋，雖然學生買機時須出示學生證進行登記，而店方的電腦系統亦會有紀錄，但當該學生第二次排隊再購買時，職員「嘟機」時電腦系統現時不會顯示該學生之前的購買紀錄，他指有人洞悉這個漏洞找學生多次排隊重買。
「同事認唔晒冇符」
不過他說：「啲學生被拒絕，就走去試第二個職員，間舖咁大，同事都認唔晒，我都冇佢符。」職員稱也無可奈何。
《蘋果》記者