【五星迎殘運】羽毛球場，對鄭伊健來說除了是跟老婆蒙嘉慧（YoYo）的定情地方，亦是跟香港殘奧會羽毛球運動員陳浩源惺惺相惜的英雄地。伊健早前應香港殘疾人奥委會暨傷殘人士體育總會副會長劉德華的邀請，與陳浩源切磋球技並拍攝宣傳短片。伊健坐上比賽專用的輪椅嘗試對打，令他更能感受當中的難處。
撰文：文國駿
鄭伊健早前受香港殘奧會的邀請，到黃大仙竹園體育館與香港殘奧會羽毛球運動員陳浩源切磋球技及拍攝短片，希望市民對殘障運動員加深認識，其間華仔到現場探班為他們打氣。
伊健一到場即主動與浩源打招呼，又應導演要求坐上專為殘障羽毛球員而設的輪椅，嘗試坐着打羽毛球。起初見伊健有點不知所措，不過向浩源請教過控制的要訣後，很快就上手，二人可以來回互搓十多板。當浩源不斷放長短球時，Fit爆的伊健騷強勁腰力成功接球，難怪事後浩源大讚伊健有運動細胞。
將過去抹掉 重新開始
浩源接受訪問時大讚伊健細心又聰明，他說：「伊健係我偶像，今次有機會可以同佢打羽毛球，我都好開心，佢畀我嘅感覺好有運動天份，雖然知佢有打羽毛球習慣，但要知道輪椅羽毛球係兩回事嚟，佢打咗一、兩場之後已經上手，好勁，同埋佢個人好細心，有啲好細微嘅技術，佢都睇得出然後去問。」
被浩源大讚的伊健，不諱言第一次接觸輪椅羽毛球感覺很難打，他受訪時說：「真係好難，浩源未喺車禍受傷前都係羽毛球運動員，所以對佢嚟講係更加難，因為要將以前打羽毛球嘅感覺抹晒，同重新開始冇大分別，所以好敬佩佢。」伊健笑言雖然自己已很久沒有打羽毛球，但剛才跟浩源切磋時也拼了全力：「點知佢好輕易就可易壓住我嚟打，的確係專業運動員，好犀利。」是否比YoYo厲害很多？他謂：「咁呢層當然係啦！」問到伊健覺得浩源的故事中，有哪一件事最感動及甚麼最值得學習？他表示：「佢由接受唔到自己成為殘障，到企起身一心一意去堅持、去訓練，個轉變好感人。至於我喺佢身上學到嘅就係堅持，只要堅持，好多原本諗住冇可能嘅事都可能會成功。」