昨日記者行落先達，發現有間手機舖，放咗幾部iPhone在舖面，但再看清楚，這部iPhone比我的5s略大，好像是傳聞中的iPhone 6！
難道iPhone 6搶先到香港？衝入舖捉住店員一問，原來這是4.7吋iPhone 6的樣板機而已，據講先達場有少量手機舖已獲得這部樣板，純粹作展示用途，屬於非賣品。店員指未能確定是否屬於官方正式的樣板，分別有三種顏色，金、銀及灰色，除了銀色版機背印有蘋果Logo及字樣外，其他兩部都未有印上。
這些樣板機只使用膠質物料製作，感覺輕飄飄，按鍵亦只是裝飾，望落只有5成像真度，不過，已可以見到iPhone 6傳聞中的幾個特徵，如機身比5s還要薄，鏡頭有個外框略為凸出機身外，另外，喇叭位亦側埋一邊等。記者留意到這幾部樣板機造工略為「流」，部份位置竟然出現甩色。
雖然手機舖開始展示iPhone 6，但店員表示暫未提供預訂，各位行過先達，可先去預覽一下iPhone 6！
記者：許福合
攝影：陳國輝