港視開台無望藝人唯有自救，兩個前港視藝人林文龍和林熹瞳找來黃玉郎集資1,000萬元開拍電影《我們停戰吧！》，男女主角拍膊頭找譚耀文和湯怡演出，還有一班港視藝人艾威、郭峰、應昌佑、黃美棋和陳安瑩都有份參與演出，實行讓港視人人有工開。
林熹瞳寫戲本
《我們停戰吧！》昨日在九龍塘舉行開鏡拜神儀式，投資者黃玉郎聯同有份策劃兼編劇的林熹瞳和林文龍，與一眾穿上戲服的演員齊齊現身。林文龍表示個人投資七位數字，他說：「對劇本有信心，我都估唔到林熹瞳可以寫到一個有50歲經驗嘅人寫嘅劇本。因為羊毛出自羊身上，我都係象徵式收少少片酬。」穿上校服的湯怡在片中跟譚耀文發展師生戀，她笑說：「最close都係挨埋嚟，係拍戲所以都唔使同男友（洪卓立）備案。」張文慈做湯怡養母，她自嘲說：「都唔係第一次做媽媽角色，以前做過黃浩然媽咪，嗰時就化老妝，𠵱家梗係唔使喇！」
美棋唔敢同居
校服look現身的黃美棋，有報道指她到緋聞男友鍾健威家中過夜，問到二人是否發展至同居關係，她說：「冇呀！冇啲咁嘅事，梗係唔係，我都有同佢（鍾健威）講呢單新聞，佢話係就好囉！我𠵱家同屋企人住，屋企好嚴，唔會鍾意我同人同居，會好介意，可能成班人一齊出去，咁最近鬼節，佢gentleman送我返屋企，我哋只係識咗半年，大家好好朋友，好好朋友嘅關係。」
採訪、攝影：張俊銘
