白鴿黨主席卿姐噚日訪問立法會前秘書長吳文華，叫佢介紹佢本著作《立法會歷史規則及行事方式參考手冊》。吳文華話，寫書時要睇番過去立法會辯論紀錄，發現回歸前嘅立法會辯論，經常見到「laughter」呢個字，因為議員辯論時好幽默，有禮貌得來又針鋒相對，同現時好唔同。問到現時立法會搞笑靠邊個？吳文華笑言「𠵱家靠大主席（曾鈺成）」。
對於立法會近日封閉示威區加裝保安設施，吳文華透露，搬嚟新大樓前已諗過加裝，但礙於高鐵包圍舊立法會大樓一役前，已同承建商簽咗約，為咗小心運用公帑，加上建築署建議，新大樓入伙後18個月後先作改動，所以近排至加裝都合理喎。