球王比利老當益壯，雖然已經73歲，但仍然準備再做老襯，同比佢細32歲嘅日本女友瑪絲亞結婚。41歲嘅瑪絲亞係日裔巴西人，原本係比利喺聖保羅住所嘅鄰居，據講相遇之後就一見鍾情。比利同瑪絲亞自從2010年開始一齊，喺今夏世盃都成日見到佢兩個出雙入對。比利以前曾經結過兩次婚，佢形容瑪絲亞係佢「生命中最後嘅激情」，所以決定要畀番個名份佢。