被稱「商場醫生」的藝人麥長青重出江湖，獲百萬資金推廣由資深投資者蔡志忠持有的北角英皇大道廣場KINGSQUARE。
麥包坦言，重操故業，拍戲只是興趣，「搞商場最緊要人流，有人流先有租值。有租值，物業先有價值。至於有咩橋，對唔住啦，暫時唔想講住，費事被人抄。」他舉例，十幾年前，已構思劏場，因為當時想創業，惟當年買工商物業，件件都好大件，曾已向一啲老闆sell拆場，可惜當時無人聽，估唔到今日會興起。
他透露，該商場可能以創業者為目標，主題或以教育，電訊為主題，但一講到詳情，他堅持保密。
美聯旺舖董事盧展豪表示，北角英皇大道商場KINGSQUARE位於英皇道390號地下A舖及1至2樓，建築面積約15,000方呎。現拆開部分樓面出售，共153個舖位，建築面積由29.8方呎至706.5方呎，售價由90多萬元至300多萬元。另外，部分舖位已獲預租，包括任天堂。
2006年麥長青與拍檔將旺角金魚街概念引入商場，在鰂魚涌打造成水族廣場，但開幕後不久，卻因與拍檔意見不合而離場。
同年，再搞旺角砵蘭街東京銀座商場，請一大班娛圈中人去開舖，打造「明星街」，惟最終變死場。
今次這個商場由資深投資者蔡志忠於今年3月以約1.4億元買入，呎價約9,367元。前租客為電器家具連鎖店DSC德爾斯，月租38萬元，租約期至今年年初結束。