採訪當日，雖與3位女名家相處時間只有短短數小時，已經足夠感受她們對足球的執着，就是唔輸得，當真「寧得罪小人，莫得罪女人」。
唔輸得，不代表輸唔起。Wendy自爆上季與一眾球彩台同事輸賭，豪言愛隊曼聯在英超的排位高阿仙奴3位，結果當然願賭服輸，今季前會請同事食番餐勁。靚女報仇，十年未晚，Wendy說︰「我今季一定要報仇，賭注要食更貴！哈哈！」這份不服輸的精神，也感染到小師妹Whitney。本報的攝影大哥本來想「錫」住她，不用她親自拍頂頭槌相，豈料這位小妮子堅持親身上陣（圖），自稱中學時期是排球校隊的她，幕後棄足用手更有板有眼，果然是運動健將。
至於「燈神」Lulu，對阿仙奴及大埔忠貞不二，人所共知，但原來可愛教主都有討厭的球隊？「摩帥雖然厲害，但陣中嘅前阿仙奴中場法比加斯，之前又話唔走，點解最後又會過檔車仔？太過份喇，我嬲佢！」車迷聽罷是否反而鬆一口氣呢？