狼英盲搶地起樓，波及唔少地區，好似青衣咁，規劃署喺今年3月曾經提出想喺長亨邨/長宏邨交界嘅409小巴總站一幅斗零地，發展私人住宅，居民梗係反對啦，事關擔心地區交通配套以致景觀都受影響，對此斗零地改建公屋以致居屋或以其他配套做補償都話明唔贊成。
趁住城規會有關更改此地用途嘅申述期間噚日屆滿，白鴿黨葵青區長亨選區區議員林立志帶住幾十位居民去到城規會，遞交553份居民聯署申述書，要求永久擱置有關計劃，仲喺城規會外折斷竹籤，寓意反對興建「竹籤樓」。呢位白鴿仔大鬧咁細嘅地方都要起樓，係咪離晒譜？希望狼英唔好逆民意而行。