索媽陳慧琳（Kelly）昨到樂富廣場出席由「蘋果日報慈善基金」舉辦的「愛行善．Little Angel大召集」活動，與一眾小粉絲分享行善助人的經驗。活動邀請了12位可愛又善良的小朋友進行面試，甄選出「基金小粉絲」，從小培養助人為樂的精神。
一身黑色型格打扮的Kelly，穿着斜膊衫襯熱褲騷美腿，吸引圍觀市民爭相拍照，在台上有小妹妹向她獻花，Kelly和小朋友們合照時盡顯母愛。生了兩子蝦餃仔和小龍包的Kelly，憶述十多歲時初次做義工的經驗，與家人在「千歲宴」中照顧公公婆婆，感到好有滿足感。她表示待囝囝長大後，會帶他們齊齊做義工，希望他們可自發助人。
蝦餃仔有返科學班
問Kelly有否特別培訓兩子？她說：「小朋友要慢慢教，大仔記性好好，好鍾意科學同扮做醫生，佢識背人體器官名。」問細仔小龍包最叻是甚麼？Kelly笑說：「我未知佢叻乜喎，只係知佢食嘢叻，乜嘢都食，我細個嗰陣含住啖飯唔食㗎，但細仔就唔會囉。」
會否培養蝦餃仔做醫生或科學家？Kelly說：「培養緊，有畀佢返科學班，但今日暴雨冇得返，佢好唔開心。」是否想囝囝做尖子？Kelly說：「我唔會逼佢，如果佢自自然然去到，咁就當然開心啦！」
蘋果日報慈善基金於95年成立，一直秉持「生命因你變得好」的信念，服務範疇非常廣泛，今年更成立「壹．義工隊」，身體力行走入社區關懷弱勢社群。《蘋果》會支付蘋果基金的行政費用，並捐出1%的盈利，確保善長的捐獻均用於受惠人身上。
採訪：文國駿
攝影：陳志嵐
「蘋果日報慈善基金」捐款編號：S0001
網上捐款： http://bit.ly/1nQRthE
