台中巿巿長胡志強噚日帶隊嚟香港參加美食博覽，在台前談笑風生推介太陽餅，講到係台灣最好嘅糕餅。
但一落到台下，胡志強被問及千金婷婷有冇陪同到港，見慣風浪嘅胡巿長就黯然話，舊年嚟香港參加美食博覽，女兒高高興興咁來，今年就唔同，因為已經離婚，表面睇女兒好似好堅強，但係佢心裏嘅傷好重。
胡巿長嘅前女婿就係澳門樂隊Soler大孖Julio，一年前嘅8月，胡巿長嚟到會展推介台中美食，活動末段婷婷拖住當時新婚老公替老爸站台，胡巿長笑不攏嘴。
難怪胡巿長噚日好感觸咁講，一年嘅變化真得好大，見到女兒婷婷離婚覺得心很痛，叫傳媒唔好再追問。