經反佔中人士不斷將佔中影響無限擴大，基本上香港有乜頭暈身㷫都關佔中事，但係佢哋為咗凡事賴佔中，可以去到幾盡？經民聯噚日喺會展搞咗場大龍鳳，出席集會嘅唔單止有齊各大商會及社團代表，仲有專業團體、旅遊業相關業界、中小企等等，各個團體代表上到台，各自發表千篇一律嘅反佔中理由，但八方勢估唔到，反佔中最盡嘅，竟然係漁民界代表！
呢名漁民界代表一上台就話佔中影響經濟，咁經濟一唔好，啲人就唔買魚，咪影響漁民嘅生計囉，況且漁民學歷唔高，轉行比較難，咁啲魚又賣唔出，轉行又難，即是佔中係影響漁民生計，八方聽到佢連冇人買魚都關佔中事，呢類左派「神級」邏輯真令人寫個服字畀佢！