【今日我至嘆】
港鐵（066）上月宣佈行政總裁韋達誠提早喺明天（8月15日）離職，唔知係咪就快甩難，華華噚日傍晚7點喺中環IFC商場，巧遇韋達誠好輕鬆咁快趣嘆咖啡。呢間咖啡店只得企位，韋達誠同收銀員傾咗一陣，買咗杯咖啡，就一條友企埋一邊，大約5分鐘就嘆完走人。
佢之後帶住悠閒嘅步伐行落香港站搭地鐵，其間仲有跟港鐵職員打招呼，佢走上往東涌方向嘅車廂就絕塵而去了。突然想起「輕輕的我走了，正如我輕輕的來」，正好形容韋達誠呢兩年幾喺港鐵嘅工作，佢2012年1月到任，原本任期至明年8月，因高鐵工程延誤提早一年拜拜。