新球季着新波衫是常識吧！雖然英超比西甲早開鑼，但據旺角球衣店Kitroom Sports老闆Kan透露，歐聯10冠王者皇家馬德里的球衣現時最好賣；而阿仙奴的新衫就在英超之中最為搶手。至於Wendy及Whitney自言鍾情女裝，更大方分享着球衣心得。
皇馬球衣男女通殺
英超列強今季的球衣，設計傾向以簡單為主，Kan坦言英超波衫銷情，遠不及星味十足的西甲班霸皇馬︰「皇馬球衣不論男、女裝向來都好賣，今季除多咗卻奧斯同占士洛迪古斯兩名巨星之外，作客『粉紅戰衣』更相當搶手。比起英超隊，過往最多人選購嘅曼聯球衣，可能因為上季成績差，所以反應一般。反而阿仙奴今季換牌子後相對好賣，每件定價599蚊嘅球衣已賣出約300件；不少廠迷仲唔介意畀多292蚊，燙上英超章同艾朗藍斯印字。」
對於要不時在足球節目出鏡的Wendy及Whitney而言，波衫亦是她們的良伴，但二人強調「要着一定要着女裝」︰「女裝可凸顯女性線條，亦因為我哋出鏡前要set頭，所以着波衫都要揀領口位較大嘅女裝，否則一着咗頭髮就會亂。」