香港𠵱家嘅Call的士App主要有Easy Taxi、HKTaxi等等。面對Uber加入戰團，Easy Taxi香港營運總監江景宇就話，Uber要做埋Call的士，可能係因為Uber定位太過高檔，Call佢哋嘅商務車，由中環去到銅鑼灣閒閒哋都要80大元，加上本港商務車數目有限，Uber好難做得大。江景宇又同華華打賭，UberTaxi車隊嘅的士數目非常有限，估計全香港唔會有超過100部UberTaxi，因為佢話根據自身經驗，的士係要一部一部傾番嚟，要啲的士大佬接受多一個選擇唔係容易嘅事咁話。