國美（493）的私募基金股東貝恩資本（Bain），上月底終出手減持，套現10億元，持股量跌到得5.44%。佢只要再做多一次配股，即可順利清倉，離開國美這間多災多難的公司。國美大股東黃光裕08年出事被捕後，管理層09年即引入Bain救亡，當時Bain買入國美CB，扣息後每股成本大概1.05元。Bain今次沽貨作價1.31元計，即回報不足25%。以PE fund持貨5年來講，呢個表現，係完全唔值得驕傲。
近年國美積極改革，大幅改善業績，又宣佈回購股份，就連黃家與證監會糾纏多年的官司，都順利和解。種種迹象顯示，有心人極之努力，希望在這一、兩年內可谷起國美股價。市場耳語謂，Bain減持雖在預期之中，但時間卻提早咗。
有別於以往割喉競爭，今年內地電器網購商已唔再減價，甚至掉頭加價。聞說有供應商開始縮減給予網購商賬期，反映網購和實體店，已進入「咁高咁大」競爭階段，網購唔再有優勢。
既然國美基本因素無大問題，Bain何以趕着賣股？海迪相信，是有數字以外的原因。
海迪