【本報訊】馬寶寶社區農場售賣的有機農作物堅持「不時不植」，即順應天氣，種植當茬合時的農作物，盛夏種瓜豆、寒冬種葉菜。農場更出售多種環保產品，如天然手工肥皂、竹毛巾及不含化學成份的天然香茅油蚊怕水，防蚊功效一流。社區農場更不時有耕種班、麵包工作坊、手做肥皂班等。
親赴立會 了解事態發展
居於洪水橋的阿Belle每星期都會去馬寶寶農墟「趁墟」，剛收成的粟米、茄子、苦瓜及冬瓜放滿在農墟內，任由市民隨便選購。阿Belle每星期都會花費百多元，購入一星期供自己食用的蔬菜，「食過先知同出面買嘅有咩分別，真係好食啲！」
她更喜歡與農夫談天說地，又上過三個月的耕種班，親身體驗做農夫的樂趣，「呢度可以每樣買少少，唔一定要買半斤或一斤，你鍾意可以淨係買兩隻茄子都得，買咁少出面街市可能會畀面色你睇！」她又稱：「有機蔬菜可以放耐啲，外面買第日就會爛咗。」
立法會財委會七度開會審批新界東北前期工程撥款，Belle去了六次撥款集會，「係想親自了解發生咩事，因為傳媒好片面，淨係報道佢哋衝入立法會，冇講佢哋咩事要咁做？」前期撥款通過後政府隨時可入村勘探，Belle很想與村民一起守護東北，「香港人乜都講錢，如果真係冇嘢食，唔通攞張銀紙出嚟咬咩？」