政府最近推出嘅政改宣傳片問人「有票，真係唔要﹖」結果「有×，真係唔×？」變咗萬能key，網民創作包括「有污，真係唔貪？」
呢條宣傳片唔單止偷換概念，將一人一票等同普選，由工程界選委牽頭組成嘅「普選工程連線」仲發現，片中截取咗佢哋舊年7.1遊行標語中「普選工程」四個字誤導市民，噚日向政改三人組發信對事件深表遺憾，要求政府撤回宣傳片嘅相關鏡頭。
「普選工程連線」話，條宣傳片帶出嘅訊息係鼓動市民不論政府推出乜嘢方案，只要市民能投票、就應該盲目支持，立場同佢哋南轅北轍，「普選工程連線」勸政府唔好再自欺欺人，用鋪天蓋地嘅宣傳誤導市民。