溜馬前鋒保羅佐治（PG，圖）早前斷腳，新一季能否上陣仲係未知數，但冇波打唔代表冇新搞作，PG就將波衫號碼由24號轉為13號。原本PG揀24號係向拜恩致敬，今次轉13號就為搞笑多啲，因為美國電影其中一個等級「13歲以下不宜觀看的內容」嘅簡稱就係PG13，玩食字嘅佢仲希望PG13做埋新綽號㖭；不過13喺外國屬於不祥號碼，希望PG頂得順至好。