【本報訊】荷李活著名笑匠羅賓威廉斯（Robin Williams）疑因抑鬱症自殺身亡，外界揣測可能因演員壓力過大令他步上不歸路。同樣身為笑匠的詹瑞文昨日接受電話訪問，坦言很欣賞羅賓威廉斯，聽到其死訊感惋惜。喜劇演員是否有不為人知壓力？他說：「唔只係喜劇笑匠，每個人都面對緊。」詹瑞文指本身未試過因演戲而患過抑鬱，因笑匠識得在生活中自我減壓。
同以演喜劇為主的杜汶澤直認喜劇演員不易為：「作為喜劇演員，一直認為自己嘅悲劇，就係大家嘅喜劇。如果以尊嚴作為人生嘅大前提，咁肯定係可悲。但如果能成日提醒自己，呢份係養活自己嘅工作，咁日子就會好過。」
「演活角色要自我調節」
曾患過抑鬱症的陳靜承認，演喜劇時責任是將歡笑帶給觀眾，但現實生活又未必如意：「演活喜劇角色時需要自我調節，於生活及工作中取得平衡。」
另一位同樣患過抑鬱症的DJ森美昨亦說：「自己10年前都有抑鬱，台上開心笑，但落台就覺得開心係假，最初做運動減壓，但結果只有醫生幫到自己。」
另外許懷欣昨在微博上載一張09年於洛杉磯跟羅賓相遇的合照，並稱讚對方是他遇過最好的男士。