「大帝」勒邦占士今夏回巢騎士之餘，仲發奮減磅，跟足低卡路里餐單，希望新一季回復速度。同占士一樣喺03年出道嘅「甜瓜」安東尼（圖）就留番喺紐約人，不過睇佢周二喺instagram上載嗰張自拍相，又真係學足大帝咁成個人瘦晒，仲留言話自己進行咗超強練習。但佢上季已經不時要打大前鋒，今季仲有中鋒真達拿離隊，A史杜達米亞又係病壞，𠵱家甜瓜減埋磅，紐約人籃底真係輸晒。