譚小環和黃宇詩今年不約而同創業做老闆，小環在銅鑼灣渣甸坊開店賣魚蛋，黃宇詩則在上環PMQ元創方開店賣bra，兩人異口同聲表示經營當中面對最大難題是舖租。
近年強國人湧來港血拚，雖帶旺零售業，但亦間接促使業主瘋狂加租，趕盡殺絕一些小店，只有藥房、名牌店，甚至連鎖店有生存空間。小環的魚蛋檔今年3月在銅鑼灣鬧巿開業，小店的月租達11萬，還有倉租、員工薪金和水電雜項加埋10多萬，生意實在不易做，幸好有着明星效應，令小環開業初期，小店變成熱點，生意飆升。小環昨在電話中說：「𠵱家開咗幾個月，生意叫做穩定維到皮，不過我哋同業主只係簽咗兩年租約，都擔心之後會瘋狂加租，好希望良心業主會支持我哋呢啲小本經營。做食肆風險好大，我哋好着重質素，成本就會提高。」正因為舖租問題，令有意在旺角開分店的小環頓時卻步。
黃宇詩同是捱不起貴租，才選擇在上環PMQ元創方開店賣bra，她昨日也說：「嗰度租金比地舖同鬧巿都平，我都簽咗兩年約試吓先，其實全場都係賣一啲特別牌子，有別大型商場，對客人嚟講都幾有特色。」黃宇詩指小店開了三個月，幸好平租令營業額和開支打和，她說：「我預計要守業一年左右先可以有錢賺。」
採訪：陳杰