【本報訊】控方昨日繼續播放首被告周凱亮的錄影會面及案情重組片段，片中可見面對謀殺指控的周對着調查警員，表現越來越輕鬆。反觀次被告謝臻麒，起初接受警員查問時語調正常，但當提及案情時，登時口窒兼變聲，警員也不禁問他是否可繼續落口供。
周閉目遭懲教拍醒
庭上昨日播放被告的錄影會面，兩名被告表現各異。當播放周凱亮的片段時，謝臻麒表現緊張，不時用手掩耳，最終戴上耳塞。而播放謝的片段時，周不時打呵欠，甚至一度垂頭閉目良久，要身旁懲教員輕拍喚醒。
調查警員於錄口供期間，曾向周展示一個內地電話號碼查問。周表示該號碼用作聯絡一名前女友，隨即謂：「唔好意思，我份人冇乜心肝，唔記得佢個名。」後來他指前女友名叫王娟，但補充「都唔知係咪真名」。
警員又查問周曾否用某號碼與謝臻麒聯絡，周答「有機會」；警員追問他是否能夠肯定，周答「肯定有機會」。當周憶述包裹屍骸過程時，警員一度不解追問，但周即時對警員謂：「聽埋我講先！」
周又描述到city'super買兇刀「好有趣……一買要一次過買四把刀」。周更向警員澄清，自己並非自殺不遂，只是決定自殺但仍未執行。
警員向周展示其寓所的閉路電視片段，見他案發當日早上曾兩度現身升降機，質疑周之前自稱與父母離家前「冇出街」的說法。周狀甚驚訝謂：「真係冇喎，但呢個真係我嚟喎！」他又謂「唯一解釋係我起身去食早餐」，最終說：「Anyway，呢個係我嚟嘅，但我真係冇印象嗰時出咗去，同着住嗰對鞋。」
庭上昨亦播放周被押解到大角嘴進行案情重組，當警員表示會行樓梯上案發單位，周即使已遭黑布蒙頭，仍不忘透過布上兩孔望向鏡頭：「係喇，冇錯。」
至於謝接受警方查問時，起初仍對答清晰，但被問及案發經過時，變得口窒窒。謝否認殺人，至於處理屍體一事，他說是周「叫我做乜我就做」。