香港工程師學會每年都會搞嗰傳媒午宴同班行家交流吓，八方噚日都有去識吓啲工程師，當然唔少得同新上任會長張志剛傾吓偈啦。
張志剛就透露今年學會有新搞作，因為成立咁耐好快就會有一首屬於自己嘅主題曲，仲要搵咗樂壇響噹噹嘅倫永亮同鄭國江幫工程師學會作曲、填詞。
張志剛話首歌歌名叫做《天工》，啲歌詞會同工程師有關，仲會有MV㖭，但絕對唔係K歌，最快下個月中就面世。
八方當然要八吓學會搵咗邊個當紅明星唱首歌啦，點知會長話首歌由約60個工程師一齊唱，佢自己更加會粉墨登場，Saxophone好叻嘅佢仲話可能會jam吓歌，叫大家記住留意。