【尋找香港的首爾】「我最鍾意朴智星，係亞洲球員一個好榜樣和借鏡！」足球評述員、前香港足球先生及港隊代表丘建威(丘仔)，自爆是南韓前國腳、最近小登科的朴智星的小粉絲，讚揚他有南韓球員的傳統美德，默默耕耘，才可以長時間留在曼聯，亦得到費格遜的讚賞。
記者：鄒倩婷 攝影：王俊龍
丘仔早在十二、三歲便接觸南韓球員，當年他代表香港青年軍到世界各地出賽，因為與南韓同屬亞洲隊，故經常在比賽場上對壘。他指南韓足球隊是非常強勁的對手，但笑言七、八十年代的太極虎，根本不像朴智星般斯文，「當年譬如金鑄城，十個有九個都係染金毛，個個都李健和咁架！而家仲潮，又有球員紋身，好似李天秀就玩造型！」
國家隊要有形象，連待遇也跟港隊不同。丘仔憶述有次在黎巴嫩踢世界杯外圍賽，與南韓同組，發生了一件鮮為人知又尷尬的趣事，「黎巴嫩係打仗嘅地方，好多食物都落大量香料，我哋真係食唔到。而南韓隊就有私人廚師，帶埋食材同水，咁我哋就過去嗰邊食佢哋提供嘅食物。」
待遇不同，要背負的責任都不同，太極虎背負著的是國家榮辱。丘仔指南韓隊最大的勁敵是日本，「輸畀香港都可以，一定唔可以輸畀日本！」兩韓專家、《韓瘋》作者鍾樂偉回應指，日韓足球隊的競爭，是達到拼死的程度，「洪明甫曾經同球員講過，『當你哋同日本比賽，如果個波踢上半空，你同我死都死過去搶返返嚟！』」
拼死的足球比賽，加上球迷的瘋狂應援，足以反映南韓人超強的民族性。相信最令香港人留下深刻印象的，是2002年的日韓世界盃，不過丘仔大爆背後錢作怪，「始終球員都要搵食，當年踢世界盃前，南韓足總與球員之間講數，講贏波獎金、出線到咩階段幾多錢等，聽聞講咗好耐，又拍晒枱，好彩最後都傾掂數。」
