【本報訊】政府將打鼓嶺/坪輋剔出新界東北發展區，改為納入新界北發展規劃，企圖分化東北三區村民。不過，反東北發展集會遊行，仍不時見到坪輋的村民身影。49歲的坪輋村民張貴財（財哥），六月財委會審議東北前期工程撥款期間，爬上立法會停車場對出天橋掛上巨型直幡，事後被警方拘捕。回想當日，財哥稱感到害怕，怕，不是害怕被警方拘捕；怕，是再不發聲，香港將來會無民主，變為人治社會。
「土地應留畀子孫」
6月13日，財哥爬上立法會天橋上蓋，被控在立法會會議廳內未有遵守秩序罪，案件押後至下月二日再訊。那一天，建制派指他是「暴民」；那一天，太太就即時打給他，「搞掂早啲返屋企啦！」驅使他爬上立法會天橋上蓋，是特區政府，「上去之前我都有驚，唔係驚被人拉，最驚係香港將來冇民主，變為人治社會，唔再係法治社會，警察會變公安」。他希望透過行動，表達要「企出嚟」發聲。
近月，財哥到台南向當地村民取經，發現每人都愛惜自己的土地，最記得有一位村長說：「如果我賣咗啲地，將來我啲子孫咪做咗樓奴，做咗地產商嘅奴隸。點解要發展，土地應該留番畀子孫。」財哥有點激動，「點解香港人唔會咁諗？點解香港會變成咁，點解高官陳茂波可以囤地，有利益，但又唔係辭職」。