靚靚險衝紅燈嘉玲Chilam飯局𠱁老闆

靚靚險衝紅燈
嘉玲Chilam飯局𠱁老闆

【銅鑼灣】劉嘉玲最近公私兩忙,完成電影《賭城風雲2》泰國拍攝工作後,返港後即相約一班好友聚餐,上周五(8日),嘉玲出席電影記者會後,晚上即相約張智霖(Chilam)、袁詠儀(靚靚)夫婦、蕭定一夫婦及Franck Muller亞太區主席朱李月華等人共晉晚餐,Chilam去年獲朱太邀請成為品牌的亞太區大使,老闆宴客,當然要畀面出席。

七人車阻街惹不滿

當晚接近11時,嘉玲與同行大約8人於銅鑼灣霎東街、朱太旗下的意日fusion餐廳用膳後離開,各人離開時在路邊互相道別兼擁抱,但由於該段路很窄,接載他們的多架七人車又停泊在路邊,一度引來經過的司機不滿,齊齊響按催促他們開車,故大家最後惟有極速上車走人。

靚靚得知被拍即想衝過馬路,幸Chilam一手拉住她。

呂良偉太太楊小娟當晚亦有現身。

Chilam與靚靚當晚自己駕車,二人離開時表現恩愛,並十指緊扣行幾條街取車,其間靚靚發現被拍照突然緊張起來,顯得很不自在,除了變得臉容生硬,又立即向Chilam通水,而她為了急急取車,竟忘了看交通燈指示,突然想衝出馬路,幸好老公一手拉住他,事後靚靚自己也忍不住望着記者鏡頭儍笑。
採訪、攝影:畢紹基、黃曉程

Chilam去年成為Franck Muller亞太區品牌大使,老闆娘朱太宴客,當然要畀面出席。