8.17反佔中遊行，建制派總動員撐場，梁粉紀文鳳卻話可能去唔到。點解咁唔畀面？原來有苦衷。佢噚日出席無止橋新書發佈會時解釋，由於要去參加無止橋甘肅會寧縣馬岔村村民中心開幕禮，撞咗期，所以去唔到，仲話佢會帶埋87歲嘅鍾逸傑一齊北上㖭。呢間新起嘅村民中心喺山上海拔2,000米，會唔會搭私人飛機呢？紀文鳳話，唔好咁奢侈，不如將租飛機嘅錢捐畀有需要嘅人。
提到政改，紀文鳳叫大家要放下身段，覺得堅持己見係唔啱，例如佔中嗰邊，犯法就唔啱囉，佢哋都要明白中央立場，大家唔可以好似「奀皮仔」咁，要明白國家立場同主權喎。