恭喜「蜘蛛女」鄭麗莎（圖）最近榮升作家！籌備一年半後，佢本《蜘蛛女‧鄭麗莎Lisa Cheng》自傳式新書，呢個禮拜五晚首次喺九展運動博覽發佈同搞簽名會，首批印2,000本；噚日見Lisa個肚又大咗好多，預計10月生得，一副幸福少奶奶模樣嘅Lisa話書內一字一語全部都係自己手筆，記載自己28年奮鬥人生外，仲會教你活得健康。佢又話出書係心願，感覺開心又幸福。