建制派陣營這陣子鋪天蓋地宣傳即將於周日舉行的8.17反佔中遊行，派錢的派錢、動員的動員，彷彿建制派也眾志成城支持上街反佔中。實際上呢？卻有不少建制派中人對在搞簽名運動後再辦8.17遊行有微言，卻礙於西環也支持，只敢私下呻兩句，不敢公然喊反對。
雖然外界不斷指「保普選反佔中大聯盟」的街頭簽名有水份，但據聞有份街頭開檔收集簽名的建制派中人，無不驚訝市民主動趨前簽名的主動性，有建制中人直指：「以前擺街檔，見到你個政黨招牌，十個都唔會有一個行埋嚟，呢次真係有唔少人主動嚟簽名，嗰啲明顯唔係佢哋啲『客』。」
由於不少建制派中人都有親身感受，所以無論最終簽名數字有多少，自覺認定反佔中簽名運動已算「成效不俗」，至少「喚醒」市民「留意」佔中所帶來的問題，為數不少的人也認為應「見好就收」，只是某些搞手似乎「越反越興奮」，再加上不排除部份人要用反佔中成績向中央「交心」，故此執意要在社會劍拔弩張之際，再搞激起社會分化的8.17遊行。
若然遊行「好好睇睇」，當然不是問題，但有建制中人苦笑道：「未遊行已經又話派錢、又話啲人被迫參加，呢啲人如果當場被記者捉到斷正，就算真係好多人去行都冇用啦。」
另有建制中人也自嘲，建制派可以「動員」上街的市民，「好多都係啲阿婆阿公，你叫佢哋大熱天時喺維園等，仲要去遊行，唔中暑至奇，一陣又話我哋虐待長者」。
有厚多士政界中人則「關心」當日的如廁問題：「老人家成日要去廁所，係咪應該送埋尿袋谷遊行？」
季陶