相信大家呢排行街，都會發現四方八面都掛住唔少宣傳8.17反佔中遊行嘅banner，有泛民主派中人發覺呢批banner之所以無處不在，或者係因為建制派違規亂掛之故。好似噚日咁吖，有地區人士發現，喺石蔭童子街巴士站附近欄杆，就掛咗以民建聯新界西立法會議員陳恒鑌個名出嘅反佔中banner，而嗰個地方原來係唔掛得banner㗎，呢位地區人士繼而鬧民建聯成日特登揀禮拜五晚掛，博大霧至少掛到禮拜六、日先被拆走，大鬧此舉不該兼低莊，已向相關部門投訴！
陳恒鑌解釋，助理唔知嗰度唔掛得banner先掛錯，噚日已經拆走，下次會小心啲喎。