09至10馬季攞到99場頭馬，只以一場之差不敵韋達，失落香港冠軍寶座嘅澳洲騎師柏寶，上季跑完澳洲墨爾本盃才返港，11月13日至開始上陣，輸在起跑線，好多舊座騎已被瓜分；結果要到11月27日，先憑「君河」爆冷開齋，全季埋單只贏29W，排名跌到第八。
柏寶解釋，佢嘅澳洲馬具公司不斷拓展，需要花時間處理，所以上季選擇延遲返港，即使成績大跌都冇後悔，柏寶仲大爆自己越撈越掂，指公司所出售賣嘅產品越來越多，亦成功開拓法國市場，仲會進軍歐洲其他國家。現時生意已上軌道，所以新季可由頭騎到尾，冇諗過掛靴。柏寶又話上季成績雖大跌Watt，但能夥拍「天久」贏主席短途獎及蟬聯新航短途錦標，令佢感到冇咁失落，亦係好大鼓舞。
柏寶亦指出，「天久」明年元旦雖轉八歲，不過隻馬鬥心極強頑，千萬不要輕視，新季仍有望在大賽揚威。