【過唔到關】
本港人情味越來越淡薄，在婚宴市場也體驗得到。彩福董事總經理何健表示，近幾年擺酒的年青人，擺酒圍越來越少，得十圍酒席都有。「新一代連隔籬鄰舍姓乜都唔知道，舊同事、舊同學亦冇乜聯繫!」
剩低食物送老人院
另一擺酒新趨勢，多了新人要求要「惜食」，缺席嘉賓的美食，會要求收集後送給老人院、露宿者。至於「唔食翅」則始終未成氣候，「新人想唔食，但父母會覺得寒酸，過唔到父母嗰關。」
至於擺酒儀式，何健建議大可取消新娘向父母致謝辭一環，「好多新娘子根本致唔到辭，上台後只講到『我、我……』就喊到收唔到聲，講唔到嘢。」
現時新人擺酒都有既定流程。他介紹在播放一對新人成長片段後，新人就會進場進行簽字宣誓儀式，切蛋榚，合巹交杯，再來一個世紀之吻，致辭，新郎哥唱歌，向父母送禮；然後上菜，新娘換衫，播放早上接新娘片段，玩遊戲，敬酒，送客；程序十分緊湊。為博紅顏一笑「曾經有新郎哥扮鬆馳熊，兄弟跳韓式gangnam style」。