蒙特利爾網賽女單4強上周六上演咗一場久違嘅威廉絲姊妹對決（圖），大威喺先輸一盤決勝局下，最終連贏6:2同6:3，5年嚟第1次贏到阿妹，決賽會對拉雲絲卡。而細威亦輸得心服口服，話家姐幫自己上咗寶貴嘅一課喎。至於上周五啱啱慶祝完33歲大壽嘅瑞士天王費達拿，同樣越老越可愛，上周六喺多倫多網賽男單準決賽輕鬆淘汰洛比斯，決賽對手係法國嘅泰桑高。