北愛爾蘭嘅麥艾萊上周六喺PGA高球錦標賽打出67桿，經過3日比賽後總成績係低標準13桿嘅200桿，暫時領先韋斯貝加1桿。但係澳洲嘅戴爾呢日都搶咗唔少風頭，第2洞就將個波打到山卡啦咁遠，搞到要走落水救波（圖）。最勁嘅係，戴爾竟然仲能夠以平標準桿嘅4桿打完呢個洞，全日就低標準兩桿，目前僅僅比麥艾萊打多3桿排第4，唔係冇得追㗎。