陳奕迅上個月去台灣宣傳嘅時候，突然宣佈兩年後就會引退，又話原因係因為大碟銷量得900隻咁話。
正當大家都唔知點算好之時，佢經理人陳家瑛就澄清咗，話Eason只係想「休息充電」，唔係要退休咁嚴重嘅。
休息好、引退好，冇咗Eason都係唔係幾好，佢日前喺上海出席活動，被問到係咪因為新碟賣得900張而大受打擊，所以萌暫退念頭？Eason就尷尬話：「900張好像只是廣東地區的3個月銷量，廣東、台灣地區反正一直銷售專輯也沒有特別多，所以其實是我看錯了啦」噢﹗原來係睇錯﹗
佢又話其實當日嘅意思，係近年都一直跑巡迴同做唱片，自己希望好好安排工作，最好就唔好太密集，兩年後可以休息多啲，有多啲時間陪囡囡就perfect咁話，並唔係真係要退隱嘅意思。
大家聽到之後，即時開心晒啦！