9月仁川亞運就快殺到，一班港隊排球代表梗係要入場偷師，但佢哋除咗睇波，仲做埋義工。早兩日有男排嘅蕭昌鴻同陳志威客串做司儀，一班女將（左起）馮芷茵、古蓉蓉同埋龍子泓就做「咕喱」，幫手搬搬抬抬。有份去亞運嘅古蓉蓉話，港隊下月18號先出發，呢幾日唔使練波就做吓義工，仲可以趁機睇波。呢3日咁多位記者口渴時有水供應，都係多得佢哋出力咋，真係要向佢哋致敬。