近年冒起嘅靚仔專欄作家徐緣原來係曹Sir粉絲，佢上周四出席一個出版界活動，巧遇曹Sir，即刻走去捉住對方傾兩句兼合照，仲獲得曹Sir贈言鼓勵。
徐緣自爆，受曹Sir影響而經營寫作呢個副業，事關曹Sir曾經講過，一個人除正職之外，要就自己嘅興趣發展一門副業，此舉除咗可以帶來額外財富，若然副業做得夠大夠出色，更有機會取代正職。徐緣現時除咗做市場推廣呢份正職，仲有寫作、教書同埋做企業培訓作為副業。
難得遇見偶像，徐緣走去當面多謝對方，曹Sir就贈多佢幾句，指「人無橫財不富，馬無野草不肥，副業確係好重要」，仲叫徐緣畀心機。