麥兜係唔少香港人嘅最愛，賽會今年搵埋呢位卡通人物做生招牌，設計多款紀念品（圖），結果大收旺場。賽會司庫陳家樂話，頭兩日場外攤檔銷情已經追平上年，賣咗超過5,000件，價值$180嘅8吋麥兜公仔一早賣晒，相信最終生意可以超過上年1倍，認真係「豬」籠入水。佢仲話，賺到嘅錢會撥入排總發展青訓同埋其他推廣開支，都可以回饋本地排球發燒友。