【挑戰自己】
阿強今日出發台灣單車之旅，明日起由高雄踩上台北，日行最多80公里，挑戰自己能力，證明新移民不比本地人差，只要肯努力一定做到。阿強說一家沒有領綜援，不是住公屋，「我都係香港一個公民，唔係蝗蟲」。
阿強是參加青年新世界舉行的苦行鍛煉活動，要由高雄踩車上台北，全程約350公里，約踩六日單車，這是他人生首次離開大陸遠行，首次坐飛機。
「我唔係蝗蟲」
阿強的先祖輩曾在港居住，後移居內地。他是在父母結婚前出生，因此戶籍問題搞了多年也不成功，父親雖來港10多年，但他至去年才能來港。現一家居於上水的祖屋，父親做地盤工作。由於居於上水又是新移民，早有人標籤他，「經常有人當我係水貨客，但我從來冇走過水貨」。
他認為不應將所有大陸人批評為蝗蟲，「香港好多人自己都係領綜援，之後唔工作，我都見過，喺社會唔做事先係蝗蟲。我屋企冇住公屋、冇領綜援。我想證明唔係所有人都係咁，唔可以一棍打死所有人，只要自己肯努力，你可以做得更加好」。
有次通識課是關於內地人蝗蟲問題，「老師顧及我，專登跳過嗰一頁。之後我主動同佢講，唔使介意。我都係香港一個公民，唔係蝗蟲」。阿強很喜歡做義工，特別是與小朋友相處的工作，這個暑假已經做了100小時義工。
這次台灣單車之旅共有20名高中生獲選參加。其中將升讀中五的真光女書院學生趙美瑜之前試過連踩單車兩日，已覺十分辛苦，但仍要一試，「想經歷一下，人生可以多個回憶」。
《蘋果》記者