近年越來越多女士養馬，博愛醫院前總理葉思貝就是其中之一，她視愛駒為自己仔女看待，經常入倉探望。葉思貝認為練馬師的角色如教師，教導馬匹怎去比賽；馬主就好似家長，需要付出愛心和耐性，只要細心對待，馬匹一定感受得到。
葉思貝嘅團體馬「劍飛聲」花名叫「小白」，係佢第一匹愛駒，服役首季就有3W4P，今季仍有不少進步空間。葉思貝話隻馬性格乖巧，最愛同主人玩頭碰頭。日前佢又入倉，親自餵「小白」食紅蘿蔔同埋玩錫錫，佢話「小白」初時好細膽，曾被自己咬紅蘿蔔發出的聲音嚇倒，非常可愛。
「劍飛聲」上季尾跑泥地回歸盃，與廐侶「輕彈錢笑」一同列陣。賽前外界大多以為「劍飛聲」只是副車，最終「劍飛聲」跑第二而「輕彈錢笑」落第。葉思貝說：「當時『小白』剛贏完泥地，復課狀態更弗，我哋希望為蔡約翰爭冠軍出一分力，於是自動請纓提議跑回歸盃。可惜『小白』輸點運氣不敵『醒目精伶』，亦間接令蔡約翰失落冠軍寶座。我很欣賞蔡約翰，他絕頂勤力，我10次入倉探馬，佢10次都在馬房工作。我一早講明會經常入馬房，但絕不會影響蔡約翰做嘢，亦不用招呼我。」