由孫雯、劉愛玲等領軍嘅中國女足，99年取得女子世界盃亞軍名噪一時，更被譽為鏗鏘玫瑰，可惜之後中國女足戰績每下愈況，𠵱家世界排名只得13位，亞洲區更落後於日本、澳洲同北韓之後。好彩青訓搞得幾好，近期女國足有番曙光，佢哋喺加拿大舉行嘅U20女子世青盃，中國同女足傳統強國德國交手，雖然開波10分鐘已經落後，並且4度落後，幸好喺逆境之下，最終以5:5逼和對手，最大功臣係後備入替嘅張晨，幫中國射入第5球。
雖然中國分組賽先後賽和巴西同德國，兩戰只得兩分，最後一戰必須擊敗美國先有得出線，形勢都好惡劣，但只要保持鏗鏘玫瑰以往不屈不撓嘅精神，女足重返世界強國之列指日可待。