【反思發展】
獨立電影《N+N》是賴恩慈首套劇情長片，以菜園村為題材，是得獎短片《1+1》的延續，藉兩爺孫的經歷，反思發展與保育問題，「片入面嘅富貴竹，象徵對呢個城市嘅祝福，喺戲入面，兩爺孫去咗唔同地方種富貴竹，由波鞋街、裕民坊，到天星碼頭同旺角行人專用區，𠵱家睇番，呢啲地方，竟然大部份都經歷咗重建，面目全非」。
「唔係全部都要崇尚中環價值」
「拍《N+N》，真係即興，嗰時啱啱喺美國返嚟，菜園村已幾乎被夷平，嚟唔切籌集資金，只係覺得一定要延續呢個故事，冇多想就攞住攝錄機出發，想同發展商鬥快，爭取時間邊拆邊拍」。外間謂結合虛實的拍法，十分創新，她笑言只是為勢所迫，「有基本劇本大綱，但除咗主角兩爺孫，大部份人物如村民同警察，都係真實人物」。
給演員大概的指示，融入場景，連警察也分不清劇組和村民。拍攝時間一個多月，片尾的菜園村，已剩一片頹垣敗瓦。「我唔反對發展，但一定以人為主體。保育係保護一種價值，一種感情，唔係所有地方都要崇尚中環價值。」來自農村的她說。
《蘋果》記者