瑞士網球手費達拿（左二）喺上周五絕對係33歲生日快樂，因為嗰日佢喺多倫多大師賽以2:0輕取西班牙嘅費拿，晉身4強。都話費天王受歡迎㗎啦！喺賽事期間，觀眾已經自動自覺唱起生日歌上嚟，而喺賽後，大會仲特別為佢安排咗個生日蛋糕。當被問及生日願望時，費達拿話：「可以喺呢個年紀仲打網球，簡直係夢想成真，我希望可以無傷無病，如果可以贏得幾個冠軍，咁就最好喇！」